برقية عاجلة: مَن لدين الله؟ | قناة الواقية | Al Waqiyah TV

قناة الواقية: انحياز إلى مبدأ الأمة www.alwaqiyah.tv

المصالح,الإعلام,الجزيرة,العربية,المشاهير,مشايخ الإعلام,العفاسي,شيخ الأزهر,مشايخ السلطان,العريفي,القدس,الأقصى,بيت المقدس,أبو الهمام,دين الله,الأمر بالمعروف,النهي عن المنكر

برقية عاجلة: مَن لدين الله؟

إعجابات: 0 (0%)
نشر بواسطة: - قناة الواقية - | التاريخ: 02/02/2017 | المشاهدات: 23

الحلقة: برقية عاجلة: من لدين الله؟

محمد‑صلى الله عليه وسلم‑ ما كان بقارئ، هو بتشبهلي الكهربا، والنجارة، والحدادة، بالشريعة للدين، مش صنعة واحد بتخصص فيها، هذا الدين هو حياتنا، "قل إن صلاتي، ونسكي، ومحيايي، ومماتي، لله رب العالمين لا شريك له، وبذلك أمرت ".    هذا دينا مش تخصص يعني واحد متخصص شريعة، وواحد متخصص مش شريعة، لا ياعمي!   مش هيك الدنيا!  هذا الدين عشق!   كل مسلم متخصص شريعة بحب الله، بدو يعرف في الشريعة، كل مسلم بدو يدعوا الى الله، كل مسلم!    ربنا بيقول إسمع شو بيقول ربنا في القرآن: " وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ".

الله‑عزوجل‑ يقرر أن كل الناس في خسارة، كلهم! إلا، الذين آمنوا، وعملوا الصالحات، وتواصوا بالحق، وتواصوا بالصبر، يعني التواصي بالحق  ينبغي أن يكون عمل كل إنسان، إن الإنسان لفي خسر، استثني من الإنسان، من هؤلاء الخسرانين، هظول الناس، يعني كل إنسان يجب عليه أن يؤمن بالله، وسائر ما يجب أن يؤمن به، وأن يعمل الصالحات كل إنسان لا يعفى من ذلك أحد، كل إنسان مطالب أن يوصي الناس بالحق، وأن يقبل وصيتهم بالحق، كل إنسان، ممنوع واحد ملوش خص يعني!

وبعد ما يأمر بالحق بدو يصبر لأنه الحق بوجع!     الحق بيعمل مشاكل، إذا بدك تعمل الحق، بدك تدفع ثمنه، بتقعد على المحسوم، بيطيحوك، وبياخذوا هويتك، وبشبحوك، وبوظفوكش، ما بوظفوك، وإذا كنت موظف بيطردوك، وإذا بدك تسافر بمنعوك، وإذا بدك تعمل شركة ما برخصولك، وإذا بدك تتوظف ما بآمنوا فيك، وإذا بتحكي في الدين بيكذبوك، بيكذبوك بيقولوا هذا كذاب لا تردوا عليه، وإن شهادته؟  شو تخصص؟   طيب يا عمي الصحابة ما تخصصوا، وكانوا وكان ضربهم في الدين أنفذ، وكان حبهم لدين أعمق، وكان كلامهم أصدق، وكان إيمانهم أوثق، واليوم إحنا بنشوف دكاترة متعلمين ومعاه دكتورا خليه يحدثك عن الله!   خليه يحدثك عن الدين! ويرغبك في الدين، خليه يرغبك في الدين، ياإخوانا، هذا الدين، دين الله، وأنتم عباده، مابيجوز أنه نحصر الدين في تخصصات، هذا الدين كل مسلم ينبغي أن يقدم فيه، كل مسلم يدعوا الى الحق، يدعوا الى الله، يأمر بالمعروف، ينهى على قدر ما يعلم، والمسلم يلي بيعرفش بالفتوة، لا يفتي، لكن المسلم أنو مسلم بيعرفش أنه الزنا حرام، والربا حرام، والكذب حرام، وانه السرقة حرام، والزور حرام، والخيانة حرام، والتجسس حرام، والعري حرام، والغش حرام، أنو مسلم بيعرفش أنه البنات اللابسات في الشارع هظوله من غير هدوم شغلهن حرام، أنو بيعرفش، بدها تخصص يعني؟   معظم الموبقات بدهاش تخصص، طيب إنهي عنها، اشتغل فيها، قوم للناس قول اتقوا الله، ما تشتغلوا في الربا، ولا تشتغلوا بالخيانة، ولا توالو الكفار، ولا ترافقوا الظالمين، الظالمين ليش بترافقوهم، مش قادر على الظالم الله بيعذرك، مش قادر يا رب أنا ما بقدر، "لا يكلف الله نفسآ إلا وسعها". يعني أنت مش قادر تسحب سيفك من غمده خليه، خليه، تتيجي وقت المراجل بنشوف مراجلك! لكن إذا أنت ساحب سيفك من غمده آه، وبتشتغل أنت وحسكل، وعزرة، وإلك سيف، ودعاية، وإلك سمعة، وإلك وجود، وإلك مواقع، وإلك .... وأنت يعني سيفك مصنوع بتلأبيب!

شو بدي بسيفك أنا!     سيف الإسلام ميصنعش بتلأبيب، سيف الإسلام سيف الإسلام، بتكي على الإسلام، النبي‑صلى الله عليه وسلم‑ قالولو بننصرك، إلا من جهة الروم، إحنا هظول الروم مش قدهم، قالهم "إن هذا الدين إن هذا الدين لا ينصره إلا من أحاطه من كل جوانبه". روحوا بديش نصرتكم.

قناة الواقية: انحياز إلى مبدأ الأمة
www.alwaqiyah.tv | facebook.com/alwaqiyahtv | [email protected]
#الواقية
#قناة_الواقية


الفئات:
» برقيات عاجلة

العلامات: المصالح | الإعلام | الجزيرة | العربية | المشاهير | مشايخ الإعلام | العفاسي | شيخ الأزهر | مشايخ السلطان | العريفي | القدس | الأقصى | بيت المقدس | أبو الهمام | دين الله | الأمر بالمعروف | النهي عن المنكر |